कृष्णसार एफएमको नाचौं तीज प्रतियोगिताको सिजन – ७ को उपाधि सगरमाथा डान्स क्लबले चुुमेको छ ।
नेपालगन्जमा आइतबार सम्पन्न ग्राण्ड फिनालेमा बाँके र बर्दियाका २३ प्रतिष्पर्धीलाई उछिन्दै सगरमाथाले नगद ५० हजार राशीसहित उपाधि जितेको हो ।
कञ्चनजंघा क्लब बाँके दोस्रो र बाँकेकै वान क्रियू रेजिना समूह तेस्रो भएको छ । सान्तवना पुरस्कार श्रृष्टि समूह बाँके र प्रोत्साहन पुरस्कार नारी उत्थान केन्द्र खजुरालाई प्रदान गरिएको छ । प्रतियोगितामा पहिलो हुने समूहले ५० हजार, दोस्रो हुनेले २५ हजार र तेस्रो हुनेलाई १० हजार नगद सहित विभिन्न पुरस्कार प्रदान गरिएको थियो ।
त्यसैगरी, सान्त्वना र प्रोत्साहन वापत नगद ५/५ हजार प्रदान गरिने थियो । ग्राण्ड फिनालेमा बाँके र बर्दियाका २८ समूहको सहभागिता रहे पनि २४ वटा मात्र प्रतिष्पर्धामा आएका थिए । कार्यक्रममा प्रमुख अतिथि शहरी विकास मन्त्री मोहम्मद इस्तियाक राईले विजेता टीमलाई नगद पुरस्कार तथा प्रमाणपत्र प्रदान गर्नु भएको थियो ।
