काठमाडौं : देशका विभिन्न स्थानहरुबाट राजधानीमा जम्मा भएका पत्रकारहरुको भेलाले हालै प्रेस सेन्टर नेपालको पुनः गठनसहित विशेष राष्ट्रिय भेला सम्पन्न गरेको छ ।
प्रेस सेन्टर नेपालका केन्द्रिय अध्यक्ष लोकराज जैसीले सो कुरा आज प्रेस विज्ञप्ति मार्फत जानकारी गराएका छन् । पत्रकार लोकराज जैसीको अध्यक्षता र नेकपा (माओवादी केन्द्र) का अध्यक्ष गोपाल किरातीको प्रमुख उपस्थिती र पार्टीका सचिव राजन तिमिल्सैनाको विशेष उपस्थितीमा सम्पन्न उक्त भेलाले लोकराज जैसीको अध्यक्षतामा २५ सदस्यीय केन्द्रीय समिति गठन गरेको थियो ।
स्थानीय, जिल्ला, प्रदेश स्तरमा संगठन विस्तार गर्दै राष्ट्रिय सम्मेलनको तयारी गर्ने निर्णयसहित संगठनले त्यसका लागि जिम्मेवारी समेत बाडफाँड गरिएको समेत विज्ञप्तिमा भनिएको छ ।
‘दशबर्षे महान जनयुद्ध र जनताको अधिकार प्राप्तिको लागि भएका सबै आन्दोलनहरुमा सहादत भएका महान शहीदहरुप्रति श्रद्धाञ्जली गर्दै शुरु भएको उक्त भेलामा संगठनका अध्यक्ष जैसीबाट पाँच पृष्ठ लामो संगठनको प्रस्तावित प्रतिवदन पेश गरिएको बिज्ञप्तिमा उल्लेख छ ।
