नेपालगन्ज उद्योग वाणिज्य संघका पूर्व अध्यक्ष, प्रतिष्ठित व्यवसायी अच्युत प्रसाईको स्वर्गारोहण भएको छ ।
दुई सातादेखि गम्भीर अस्वस्थ प्रसाईको सोमबार विहान ९ बजे मेडिसिटि अस्पताल काठमाडौंमा उपचारका क्रममा निधन भएको पारिवारिक स्रोतले जनाएको छ । व्यवसायी प्रसाईको आजै पशुपति आर्यघाटमा अन्त्यष्टि गरिने काँग्रेस नेता गोपाल अधिकारीले जानकारी दिए ।
अगुवा व्यवसायी प्रसाई साँग्रिला डेभलपमेन्ट बैंकका निवर्तमान अध्यक्ष पनि हुन् ।
स्वर्गीय प्रसाईका दुई छोरा छन् । ठुलो छोरा असिम नेपालगन्जमा बुबाको व्यवसाय सम्हालेका छन् भने कान्छो अमेरिका बस्छन् ।
