सजल गैरे
पश्चिमका विभिन्न जिल्लाका आकर्षक गन्तव्यहरुलाई प्याकेज बनाएर व्यवसाय गर्न नेपाल एशोसियसशन अफ टुर एण्ड ट्राभल्स एजेन्ट्स (नाट्टा) बाँकेले आफ्ना सदस्यहरुका लागि क्षमता अभिवद्धि गर्न थालेको छ ।
धराशयी भएको पर्यटन व्यवसायलाई पूनरुत्थान गर्न गन्तव्यहरुको प्रोडक्ट बनाएर बेच्नु पर्यो भन्ने ध्येयलेनैे तालिम आयोजना गरिएको नाट्टा बाँकेका अध्यक्ष श्रीराम सिग्देलले जानकारी दिए ।
अध्यक्ष सिग्देलका अनुसार, तालिममा बाँकेका ट्राभल्स एजेन्सी, होम स्टे, साना तथा ठुला होटलका जनशक्ति, पर्यटनका बारेमा अध्ययन गरिरहेका विद्यार्थी, होटल व्यवस्थापनका विद्यार्थी सहभागी छन् ।
अध्यक्ष सिग्देलले पर्यटनका क्षेत्रमा काम गरिरहेका जनशक्तिलाई क्षमतावान बनाउने उद्देश्यले तालिमको आयोजना गरिएको जानकारी दिंदै आन्तरिक तथा वाह्य पर्यटनका लागि नयाँ गन्तव्यको खोजीसँगै त्यसको प्रवद्र्धन थालिएको बताए ।
शनिवारमात्रै नेपालगन्जबाट नरैनापुरस्थित चुरे पहाडको चुचुरोमा रहेको सन्तानेश्वर महादेव मन्दिरमा सामुहिक यात्रा आयोजना गरेको नाट्टाले सय बढी विभिन्न क्षेत्रलाई हाइकिङ गराएको थियो । त्यसैगरि अब व्यवसायिक प्याकेज बनाउन क्षमता अभिवृद्धि गराउन लागिएको नाट्टा बाँकेले जनाएको छ ।
आइतबार पाँच दिने तालिमको नेपालगन्ज उप–महानगरपालिका नगर प्रमुख प्रशान्त विष्टले उद्घाटन गर्दै पश्चिम नेपालको आर्थिक विकासमा पर्यटन क्षेत्रको महत्वपूर्ण योगदान रहेको धारणा राखे । नाट्टा बाँक पर्यटन क्षेत्रलाई व्यवसायिक बनाउन आयोजना गरेको क्षमता अभिवृद्धि तालिम महत्वपूर्ण हुने नगर प्रमुख विष्टको विश्वास थियो ।
नाट्टा बाँकेका महासचिव झविलाल शर्माका अनुसार, तालिममा नाट्टाका केन्द्रिय महासचिव कुमार थपलिया, तालिम संयोजक युविका भण्डारी, बाँके च्याप्टरका उपाध्यक्ष डिल्ली रेग्मी लगायतले बोलेका थिए । नाट्टा केन्द्रिय महासचिव थपलियाले तालिमको उद्देश्य र आवश्यकता बारे प्रकाश पारे ।
