बाँके प्रहरीले एक जनालाई भरुवा बन्दुकसहित पक्राउ गरेको छ ।
बाँके प्रहरी प्रवक्ता, डिएसपी नारायण डाँगीका अनुसार, शनिवार राती करिब १० बजेतिर डुडुवा गा.पा.६ सिखनपुर्वाका राहुल सिंह सरदारले आफ्नै घरमा भरुवा बन्दुक देखाई घरपरिवार तथा छरछिमेकीलाई डरत्रास तथा धम्की दिई रहेको गुनासोका आधारमा गएको प्रहरीले उनलाई पक्राउ गरेको हो ।
२५ वर्षीय राहुल सिंह सरदारलाई उनले बोकेको भरुवा बन्दुक सहित नियन्त्रणमा लिइ आवश्यक अनुसन्धानका लागि हिरासतमा राखिएको डिएसपी डाँगीले बताए ।
