घटना नरैनापुर गाउँपालिका वडा नं.१ बनिया गाउँको हो । सोही ठाउँ बस्ने मुना जोलाहले आफ्नो नाममा रहेको जग्गा छोरी हसमतुल जोलाहको नाममा बकसपत्र लेखी दिएका थिए । निज छोरी हसमतुलको विवाह भारत श्रावस्ती जिल्ला जमुनाहा बजार स्थित भारतीय नागरिक संग भएपछि छोरी हसमतुलको नाममा दर्ता रहेको जग्गा पुनः आफ्नो नाममा कायम गर्नका लागि तत्कालिन कटकुईंया गाबिसमा सल्लाह लिन पुगे ।
उनले जग्गा फिर्ता ल्याउने प्रक्रिया अनुसार २०७२ साल चैत्रमा हसमतुललाई ऋणि राखेर २० लाख रुपैयाको तमसुकमा आफ्नो श्रीमती कलामुन निशा जोलाहिनीलाई धनी गराए । सोही अनुसार २०७३ सालमा इसहाक जोलाहले आफु धनी भएर पुनः १० लाख रुपैयाको तमसुक गराए ।
इसहाक जोलाहले लेखाएको १० लाखको तमसुकको लेनदेन मुद्दा बाँके जिल्ला अदालतमा २०७७।६।१६ गते दर्ता भई २०७७।११।११ गते फैसला समेत भएको छ । फैसला बमोजिम निज हसमतुलको नाममा दर्ता रहेको जग्गा लिलाम गरेर विगो असूल गर्ने तयारी छ ।
मुद्दामा ४ लाख ४४ हजार १ सय १६ रुपैया ब्याज भएको फैसलाले देखाएको छ । तमसुकका लागि हसमतुल जोलाह र इसहाक जोलाह दुबैको मिलोमतो रहेको पाइयो, अधिवक्ता राजेन्द्र विश्वकर्माले भने, जीवित ब्यक्तिलाई मृत्यु भइसकेको उल्लेख गर्नुनै गलत हो ।
जग्गा प्राप्त गर्ने अन्य प्रक्रियाहरु रहेकै अवस्थामा जीवितलाई नै मृत्यु भएको पुष्टि गरिएको छ, नेपालगन्ज न्युज संग कुरा गर्दै अधिवक्ता विश्वकर्माले भने, भारतमा विवाह भएको महिला हसमतुललाई मृत घोषित गरिएको हो ।
तमसुक गर्नु अघिनै उनको मृत्युदर्ता कायम रहेको पाइयो, अधिवक्ता विश्वकर्माले भने, तर पीडित ब्यक्तिलाई समेत मिलोमतो गरिएको कारण कुनै कारवाही अघि बढ्न सकेन ।
