नेपालगन्ज आइपुग्यो पशुपति–पञ्चकोशी यात्रा

‘पञ्चकोशी भारतीय पर्यटकको गन्तव्य’

धार्मिक तथा ऐतिहासिक महत्व बोकेको दैलेखको पञ्चकोशी तिर्थ स्थललाई भारतीय हिन्दु धर्मालम्बीहरुको गन्तव्य बनाउन जोड दिइएको छ ।


पञ्चकोशी तिर्थ स्थललाई मुलुकको संघीय राजधानी सँग जोड्ने अभियानका लागि प्रसिद्ध शक्तिपीठ पशुपति नाथ मन्दिरदेखि थालिएको पञ्चकोशीसम्मको यात्रा मंगलवार नेपालगन्ज आइपुगेको छ । त्यसक्रममा प्रसिद्ध शक्तिपीठ नेपालगन्जस्थित बागेश्वरी मन्दिरमा आइपुगेका अभिन्यता यात्रीहरुले पञ्चकोशी तिर्थ स्थललाई आन्तरिकसँगै वागेश्वरीसम्म आइपुग्ने भारतीय श्रद्धालुहरुको गन्तव्य बनाइ दिन आग्रह गरे


मनघरी फाउण्डेशनको आयोजना र दैलेखी सेवा समाज काठमाडौ, दुल्लु नगरपालिका, भैरवी गाँउपालिका, नेपाल उद्योग बाणिज्य महासंघ कर्णाली प्रदेशको सहकार्य पशुपति देखि पञ्चकोशी यात्रा सुरु गरिएको हो ।


‘वागेश्वरीसम्म आइपुगेका श्रद्धालुलाई पञ्चकोशी तिर्थ स्थल पु¥याउन तपाईहरुको भूमिका हुन्छ,’ कर्णाली प्रदेश सभाका सांसद घनश्याम भणडरीले वागेश्वरीका मूल महन्त चन्द्रनाथ योगीसँग भने । कर्णाली प्रदेश धार्मिक, ऐतिहासिक, संस्कृति तथा पर्यटकीय हिसाबले निकै महत्वपूर्ण क्षेत्र भएको भन्दै सांसद भण्डारीले प्रचूर पर्यटकीय सम्भावना रहेको पञ्चकोशी तिर्थ स्थल क्षेत्रको उचित प्रचार–प्रसारका लागि यात्रा गरिएको बताए ।


पर्यटकीय हिसाबले महत्वपूर्ण रहेका स्थानलाई नेपाल तथा विश्व माझ थप चिनाउनु आवश्यक ठानेर संघीय राजधानी काठमाडौसंग जोड्ने अभियान चलाइएको यात्राका परिकल्पनाकार वरिष्ठ फोटो पत्रकार भरतबन्धु थापाले भने ।


पर्यटकीय क्षेत्रको पहिचान स्थापित गर्न विगतमा पनि फाउन्डेसनले संघीय राजधानी काठमाडौंदेखि दाङ, जाजरकोट, रुकुम, सल्यान हुँदै डोल्पाको फोक्सुण्डोसम्म यात्रा आयोजना गरेको थियो । ‘पश्चिम नेपालको पर्यटन प्रर्वद्धनमा सहयोग पु¥याउने छ,’ पत्रकार थापा भन्छन् ।


विश्वसम्पदा सूचिकृत स्थल पशुपतिदेखि धार्मिक तथा ऐतिहासिक स्थान पञ्चकोशीसम्म यात्रा गर्दा बागमती प्रदेशको पशुपति, गण्डकी प्रदेशको देवाघाट, लुम्बिनी प्रदेशको लुम्बिनी र बागेश्वरी, कर्णाली प्रदेशको देउती बज्यै, काक्रेविहार, पञ्चकोशी समेटिनेछ ।


यात्रा पश्चात संघीय राजधानी काठमाडौं र कर्णाली प्रदेशको राजधानी सुर्खेतमा यात्राका दौरान कैद गरिएका तस्वीर र भिडियो प्रदर्शनी गरिने आयोजक मनघरी फाउण्डेशन जनाएको छ । यात्रा आज बुधवार सुर्खेत पुगेको छ ।

प्रतिक्रिया

प्रतिक्रिया