दैनिक नेपालगन्ज
भेरी साहित्य समाजका अध्यक्ष हरि प्रसाद तिमिल्सिनालाई यस वर्षको प्रलेस प्रतिभा पुरस्कार प्रदान गरिएको छ ।
प्रगतिशील लेखक संघ बाँकेले शनिवार पुरस्कार, सम्मान अर्पण एवं कविता बाचन कार्यक्रमको आयोजना गरि तिमिल्सिनालाई प्रलेस प्रतिभा पुरस्कार प्रदान गरेको हो ।
प्रलेस बाँकेका अध्यक्ष पुष्पमणि प्रधानको अध्यक्षतामा भएको कार्यक्रममा नेपाली भाषा साहित्य तथा प्रगतिशील साहित्य तथा साहित्यिक संघ संस्थाको बिकास र प्रवर्धनमा महत्वपूर्ण योगदान गरेको भन्दै प्राज्ञ सभा सदस्य तिमिल्सिनालाई प्रलेस प्रतिभा पुरस्कार प्रदान गरिएको थियो । युवा श्रष्टा पुस्कर रिजाललाई प्रलेस प्रतिभा सम्मान पनि प्रदान गरिएको अध्यक्ष प्रधानले जानकारी दिए ।
कार्यक्रमका प्रमुख अतिथि प्रा.डा. गोपालप्रसाद शर्मा अधिकारीले पुरस्कार तथा सम्मान प्रदान गरेका हुन् । कार्यक्रममा वरिष्ठ साहित्यकार सनत रेग्मी ज्यू, वरिष्ठ पत्रकार नरेन्द्र जङ्ग पिटर, खजुरा प्रज्ञा प्रतिष्ठानका अध्यक्ष डा. ईन्द्र बहादुर भण्डारी, पूर्णिमा साहित्य प्रतिष्ठानका पूर्व अध्यक्ष महानन्द ढकाल, वरिष्ठ अवधि श्रष्टा, बिष्णु कुमहाल लगायत सहभागी थिए ।
