हुने भयो, मानो रोपेर मुरीको जोहो


वर्षाले किसानलाई राहत

बुधबार दिउँसो परसपुर छेउ खेतमा रोपाईका लागि व्यस्त किसान । त्यस क्षेत्रमा ट्याक्टरबाट खेत सम्याउने र रोपाईका लागि जनशक्ति परिचालन गर्ने क्रम बुधबार निकै तिव्र मात्रामा देखियो । मंगलबारसम्म बाँकेमा ४६ प्रतिशतले मात्रै रोपाई गरेको तथ्य कृषि ज्ञान केन्द्र बाँकेले दिएको छ । बुधबार धान रोपाईका लागि पर्याप्त पानी परेकाले बाँकी रोपाई यसै साता सकिने सम्बद्ध बताउँछन् । (तस्विर: दैनिक नेपालगन्ज)

नेपालगन्जमा पर्याप्त बर्षा नहुँदा धान रोपाई गर्न नपाउने चिन्तामा रहेका किसानलाई बुधबारको बर्षात्ले केही राहत दिएको छ । यद्यपि, कतिपय किसानले ब्याड पुरानो भएकाले रोपाई गरेपनि उत्पादन घट्नेमा चिन्तित छन् ।

पानीबेगर रोपेको धान रोपोमै पहेँलिँदै जाँदा र थप रोपाइँ गर्न नपाएर पिरोलिएका किसानले आश जागेको बताएका छन् ।

‘गत बर्ष काट्न तयार धानमा बेमौसमी बर्षात् क्षति पुर्यायो, यस बर्ष समयमा बर्षा भएन’, गंगा प्रसाद काँदु भन्छन्, ‘बुधबारको बर्षाले आकाशे पानी कुरेर बसेका किसानलाई राहत भएको छ ।’

यसबर्ष किसानले धान खेतीका लागि रासायनिक मल नपाएपछि भारतबाट ल्याउन बाध्य भएका छन् । सीमावर्ती भारतीय बजारबाट किसानले मल ल्याएको बताउँछन् ।

९१.८ मिलिमिटर बर्षा, गर्मीबाट राहत

नेपालगन्जमा बुधबार ठूलो झरी परेको छ । जल तथा मौसम विज्ञान विभागका अनुसार, नेपालगन्जमा ९१.८ मिलिमिटर बर्षा भएको हो ।

बुधबार देशमै सबै भन्दा बढी बर्षा नेपालगन्जमा भएको हो । बुधबार विहानै बाट परेको झरीका कारण उखरमाउलो गर्मी राहत समेत पुगेको छ ।

क्षणभरकै झरीले जलमग्न सडक

प्रतिक्रिया

प्रतिक्रिया