योग समिति नेपालको दोश्रो अधिवेशनले शनिवार योगगुरु गिरिराज शर्मा भट्टराईको अध्यक्षतामा १५ सदस्यीय नयाँ नेतृत्व चयन गरेको छ ।
सर्वसम्मरुपमा चयन भएको समितिको उपाध्यक्षमा लोकमाया सुवेदी ‘सुमित्रा’ र जगदीश चन्द्र तिमिल्सेना छन् ।
समितिको सचिवमा निर्मला शाह, सहसचिवमा शालिकराम खनाल, कोषाध्यक्षमा अम्बिका कोइराला, सहकोषाध्यक्षमा मन्दराज शर्मा ‘विन्दु’, सर्वसम्मत भए ।
कर्यसमिति सदस्यहरुमा जया चन्द, शर्मिला शाह, सरिता सिँह, झविलाल शर्मा न्योपाने, ज्योति प्रकाश पौडेल र टंकनाथ पौडेल सदस्यमा चयन भएको निर्वाचन समितिले जनाएको छ । चिरञ्जीवी ज्ञवाली र खिमानन्द अर्याललाई मनोनित गरिएको निर्वाचन अधिकृत विश्वजीत तिवारीले जानकारी दिए ।
निर्वाचनका लागि तिवारीको संयोजकत्वमा अरुण सिंह र मेघनाथ ढकाल सदस्य रहने गरी निर्वाचन समिति बनाइएको थियो ।
अधिवेशनमा कार्यक्रममा कोरोनाकालमा जनचेतना फैलाउनुका साथै स्वस्थ्य रहने उपाय बताउँदै घरदैलो गर्ने योग प्रशिक्षकहरुलाई प्रमाणपत्रसहित सम्मानित गरिएको थियो ।
कार्यक्रममा योग समिति छोटो समयमा जनमानसमा लोकप्रिय बन्न सफल भएको वक्ताहरुले बताएका थिए । समितिका अध्यक्ष भट्टराईको अध्यक्षतामा भएको कार्यक्रममा प्रमुख अतिथि वरिष्ठ आयुर्वेद चिकित्सक डा. बुद्धिसागर रेग्मी, राजन राना बहादुर मगर, शुक्रऋषि चौलागाईं, नन्दलाल वैश्य, कृपा मेडिकलका डा. प्रबीण गुप्तालगायतले शुभकामना मन्तब्य राखेको सुमित्रा सुवेदीले जानकारी दिइन् ।
