चालु आर्थिक वर्षमैं चार बाटो पीसीसी सकियो, एक कालोपत्रे
नेपालगन्ज उपमहानगरपालिका वडा नं. १८ ले चालु आ.व.को योजना कार्यान्वयनलाई तिव्रता दिएको जानकारी दिएको छ । वडाध्यक्ष दिपक कुमार बर्माले चालु आ.व.का सबै योजनाहरु समयमै सक्ने गरी पूर्वाधार निर्माण तथा लक्षित वर्गका कार्यक्रम सञ्चालनमा रहेको जानकारी दिएका छन् ।
अध्यक्ष बर्माले तेज नगरमा २३ लाख रुपैयाँ लागतमा १ सय मिटर कालोपत्रे र चार वटा बाटो पसीसीको काम चालु आ.व.मा सकिसकेको बताएका छन् । उनले थप एक सडकको पीसीसी आज मंगलबार सकिने जानकारी दिएका छन् ।
कारी बेहना घरदेखि कल्लु बढाईको घरसम्म, चण्डी कुर्मीको घरदेखि चौधरी चिया पसलको घरसम्म, त्रिलोकी बर्माको घरदेखि यादव टोलसम्म, गोम्तीको घरदेखि उत्तर इनारसम्मको बाटो पीसीसी कार्य सकिएको हो ।
त्यस्तै, वडाले तेज नगरमा जितबहादुरको घरदेखि कालिबहादुरको घरसम्म पीसीसी दुई तर्फ नाली सहित सुरु गरिसकेको जानकारी दिएका छन् । ‘सबै योजनाहरु समयमै सक्ने गरी योजना बनाएर काम गरिरहेका छौं’, उनले भने, ‘टेण्डर गर्नुपर्ने योजनाको पनि टेण्डरका लागि आवश्यक प्रक्रिया सुरु गरिरहेका छौं ।’
