कोरोना रोकथाम र नियन्त्रणका लागि नेपालगन्जमा वडा कार्यालयहरुको सक्रियता बढेको छ । उप–महानगरपालिकासँगै वडा कार्यालयले समेत रचनात्मक कार्यक्रम गरिरहेको उपप्रमुख उमा थापा मगरले जानकारी दिएकी छन् । उपप्रमुख मगरका अनुसार, वडा नम्बर १ र १८ ले चिकित्सक सहित कोभिड संक्रमित विरामीहरुलाई घरदैलोमा पुगेर स्वास्थ्य उपचार तथा परामर्श सेवा दिएका छन् ।
वडा नम्बर १३ र १४ मा समेत चिकित्सक सहित कोभिड संक्रमितलाई घरदैलोमै पुगेर सेवा दिइएको छ । वडा नम्बर ३ र ७ मा सेनिटाईजर गरिएको छ । वडा नम्बर २ ले स्वास्थ्यकर्मी माग गरेको छ । उपमहानगरका अनुसार, केहीदिनमै स्वास्थ्यकर्मी सहित घरदैलो कार्यक्रम गरिने भएको छ ।
संक्रमण नियन्त्रण र रोकथामका लागि उपप्रमुख उमा थापामगरको सक्रियता सोमवार पनि उत्तिकै रह्यो । उनी भेरी अस्पतालका कोरोना वार्ड, बेडमैं पुगेर विरामीहरुको अवस्था जानकारी लिइन् । बिरामीको मनोबल बढाउन पनि मेरो भेटघाटलाई निरन्तरता दिइरहेको छु, उपप्रमुख थापामगरले दैनिक नेपालगन्जसँग भनिन्, स्थानीय सरकारको हिसाबले सक्दो प्रयास भइरहेको छ ।
(यसबारे दैनिक नेपालगन्ज पत्रिकासँग उपप्रमुख उमा थापामगरले गरेको कुराकानी)
