नेपालगन्जको तापक्रम घट्दै गएपछि तीन दिन विद्यालय बन्द गर्ने निर्णय गरिएको छ ।
नेपालगन्ज उपमहानगरपालिकाले सोमबारदेखि बुधबारसम्म तीन दिन विद्यालय बन्द गर्ने निर्णय गरेको हो । बुधबारसम्म पनि मौसममा सुधार नआए शुक्रबारसम्म नै विद्यालय बन्द गर्न उपमहानगरपालिकाको शिक्षा, युवा तथा खेलकुद महाशाखाले विद्यालयहरुलाई पत्राचार गरेको छ ।
जल तथा मौसम विज्ञान विभागको दिउँसो २ बजेसम्मको अपडेटमा आज आइतबार नेपालगन्ज अधिकतम तापक्रम १७.७ र न्यूनतम तापक्रम ५ डिग्री सेल्सियस रहेको उल्लेख छ ।
