नेपालगन्जको त्रिवेणी मोडमा फेला परेको बेवारिसे झोला (सुटकेस) ले झण्डै एक घण्टा सुरक्षाकर्मीलाई तनावमा पारेको छ ।
स्थानीयले शंकास्पद बस्तु बम भएको हुन सक्ने भन्दै प्रहरीलाई खबर गरेपछि पुगेको सेना र प्रहरी टोलीले फगत सुटकेस फेला पारेको हो । घटनामा संलग्न एक जनालाई निगरानीमा राखिएको बाँके प्रहरी प्रमुख ओम रानाले जानकारी दिए ।
यसैबीच, बाँके प्रहरीले दुई युवालाई शंकास्पद पदार्थ सहित पक्राउ गरेको जनाएको छ । जिल्ला प्रहरी कार्यालय बाँकेले दिएको जानकारी अनुसार, विहीवार दिउसो ३ बजेतिर नेपालगन्ज २२ शान्तिचोकबाट लागुऔषध काारोबारको आशंकामा दुई जना पक्राउ परेका हुन् । उनीहरुबाट ब्राउनसुगर जस्तो देखिने धुलो बरामद गरिएकाले थप अनुसन्धान भइरहेको प्रहरीको भनाइ छ । लागुऔषधको कारोबार भइरहेको भन्ने सुचनाका आधारमा प्रहरी पुगेको थियो ।
