बाँकमा आजमात्र थप ९ जनामा कोरोना भाइरस संक्रमण पुष्टि भएको छ । नेपालगन्जस्थित भेरी अस्पतालमा सोमवार गरिएको २८ जनाको पीसीआर पोजेटिभ रिजल्टमा ९ जनामा र १९ जना बर्दियाको नयाँ संक्रमण पुष्टि भएको हो । बाँकेको ९ जनामा सबैभन्दा बढी ५ जना खजुरा, ३ जना नेपालगन्ज र जानकीकोे १ जनामा संक्रमण भएको तथ्यांक सार्वजनिक गरेको हो ।
(हेर्नुस्, भेरी अस्पतालको जानकारी)
सोमबार थप ३ सय १४ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार अब नेपालमा कोरोना संक्रमितको संख्या ३७ सय ६२ पुगेको छ । नयाँ तथ्यांकमा बाँकेको जानकीमा एक जना थप भएका छन् । मन्त्रालयका प्रवक्ता डा. जागेश्वर गौतमका अनुसार सोमबार संक्रमित भेटिएकामध्ये २ सय ९४ जना पुरुष र २० जना महिला रहेका छन् ।
