कोरोना भाइरस कोभिड १९ को संक्रमणबाट नेपालमा संक्रमितको संख्या ७७२ जना पुग्दा प्रदेश ५ मात्रै ३३१ जना पुगेको छ । देशभर आजमात्र ९० जना नयाँ संक्रमित थपिंदा यस प्रदेशमा ३१ जना संक्रमित थपिएका छन् ।
बाँकेको बैजनाथ गाउँपालिकामा पनि कोरोना संक्रमण देखा परेको छ । मंगलवार स्वास्थ्य तथा जनसंख्या मन्त्रालयले पत्रकार सम्मेलनमा दिएको जानकारी अनुसार बाँकेमा ७ जना नयां संक्रमित थपिंदा बैजनाथ ३ मा एकजनामा संक्रमण फेला परेको हो । यससँगै बाँकेको कोहलपुर र जानकीबाहेक सबैमा कोरोना संक्रमण देखा परेको छ । बाँकेको बैजनाथसँगै डुडुवामा ४ जना र राप्ती सोनारीमा २ जना संक्रमित थपिएका छन् ।
