बाँकेमा बुधबार थप ६ जना कोरोना पोजेटिभ भेटिएका छन् । यो संगै बाँकेमा कोरोना संक्रमितको संख्या ९९ पुगेको छ ।
स्वास्थ्य तथा जनसंख्या मन्त्रालयले बुधबार आयोजना गरेको पत्रकार सम्मेलनमा बाँकेमा ६ जनाको स्वाब परीक्षण गर्दा कोरोना पोजेटिभ भेटिएको जानकारी गराइएको हो । बाँकेको नरैनापुरमा मात्र कोरोना संक्रमितको संख्या 73 पुगेको छ । जसमध्ये एकको मृत्यु भैसकेको छ ।
त्यस्तै, नेपालगन्जमा कोरोना पोजेटिभको संख्या २५ रहेको छ । बुधबार खजुरामा एक जना कोरोना पोजेटिभ भेटिएका छन् । यो संगै आठ स्थानीय तह रहेको बाँकेमा तीन स्थानीय तहमा कोरोना पोजेटिभ भेटिएको छ ।
