नेपाल भारत सीमाको जमुनाह नाकाबाट ६८७ नेपाली भित्रिएका छन् । बिहीबार अबेर राती उनीहरुलाई नाकाबाट नेपाल ल्याइएको हो । अहिले दशगजा क्षेत्रमा उनीहरुलाई राखिएको छ ।
बाँके प्रहरी प्रवक्ता शिव बहादुर सिंहले नेपालबाट १ हजार ४ सय ८३ भारतीयलाई भारत पठाएको जानकारी दिएका छन् ।
नेपाल भित्रिएका नेपालीहरुको आरडीटी परीक्षण गरेर सम्बन्धित जिल्ला पठाइने प्रवक्ता सिंहले बताएका छन् ।
मुख्य नाका बाहेक भित्रि नाकाबाट भने नेपालीहरु आइरहेका छन् । भारतमा रेल सञ्चालनमा आएपछि विभिन्न नाकाबाट नेपालीहरु आएका हुन् । बाँकेको नरैनापुर गाउँपालिकामा ४ सय ४१ र डुडुवा गाउँपालिकामा ६६ जनालाई क्वारेन्टाइनमा राखिएको छ । यसअघि खाली हुन थालेका बाँकेका क्वारेन्टाइनले अब भारतबाट नागरिक भित्रिन थालेपछि धान्न नसक्ने अनुमान गरिएको छ ।
