बाँकेमा क्वारेन्टाइनमा बसेकाहरुको कोरोना परीक्षण गरिने भएको छ । त्यसका लागि पाँच सय किट पनि नेपालगन्ज आएको छ । क्वारेन्टाइनमा १४ दिन पुरा गरेकाहरुको कोरोना परीक्षण सुरु गरिएको हो ।
बाँकेका आठ स्थानीय तहमा १६ वटा क्वारेन्टाइन रहेको छ । जसमा विदेशबाट आएका झण्डै ५ सयको हाराहारीमा मानिसहरु राखिएको छ ।
जिल्ला स्वास्थ्य कार्यालय नेपालगन्जका अनुसार, हालसम्म ७० जनाको स्वाब परीक्षणका लागि पठाइएकोमा ६४ को नेगेटिभ आइसकेको छ भने ६ जनाको परीक्षणका क्रममा रहेको छ ।
