नेपालगन्ज – बिहानै देखि परेको भारी बर्षाका कारण नेपालगन्ज आइपुग्नुपर्ने बुद्ध एयरको अन्तिम उडान धनगढी डाइभर्ट गरिएको छ ।
मौसम नखुल्दा काठमाडौबाट नेपालगन्ज आइपुग्नुपर्ने बुद्ध एयरको लाष्ट फ्लाइट धनगढी डाइभर्ट गरिएको, बुद्ध एयरका नेपालगन्ज स्टेशन प्रमुख विनित शाहले दैनिक नेपालगन्जलाई जानकारी दिए ।
बुद्ध एयरको अन्तिम उडानमा यात्रा गरिरहेका अशोक कर्माचार्यका अनुसार मौसमका कारण जहाज करिब दुई घण्टा आकाशमै होल्डिङ भएको र अन्तमा करिब ७:५० तिर धनगढी ल्यान्ड गरेको बताएका छन् । भोलि बिहान सो विमान ६:३० मा नेपालगन्जको लागि उडान गर्ने बेहोरा बुद्धले जनाएको कर्माचार्य बताउछन् ।
