नेपालगन्ज – नगर शिक्षा पत्रकारिता सम्मानबाट नेपालगन्जका दुई जना पत्रकार सम्मानित भएका छन् । नेपालगन्ज उपमहानगरपालिकाले दुई पत्रकारलाई सम्मान गरेको हो ।
४० औं राष्ट्रिय शिक्षा दिवस तथा ५३ औ अन्तरराष्ट्रिय साक्षरता दिवसको अवसरमा नेपालगन्ज उपमहानगरपालिकाद्वारा आयोजित बिशेष कार्यक्रममा पत्रकारद्वय कृष्ण अधिकारी नगर शिक्षा पत्रकारिता सम्मान २०७५ र नागरिक दैनिकका अर्जुन वली नगर शिक्षा पत्रकारिता सम्मान २०७६ बाट सम्मानित भएका हुन् ।
सम्मानित दुवै जनालाई नगर प्रमुख डा. धवल समशेर राणाले सम्मान पत्रका साथ दोसल्ला ओढाएर सम्मान गरेका थिए ।
