बिहीबार राती नेपालगन्जबाट दैलेख लगिएका २२ वटा गाई मृत फेला परेका छन् ।
नेपालगन्जको कान्जी हाउसबाट दैलेख लैजान भनि ८ वटा ट्रकमा गाई, बाछाबाछी लगिएका थिए । वीरेन्द्रनगर नगरपालिकाका वडा नम्बर ४, ७ र १४ को बीचमा पर्ने जंगलभित्रको सडक छेउ भीरबाट खसालिंदा गाईको मृत्यु भएको सम्भावना औंल्याइएको छ ।
घटनाबारे सुर्खेत प्रहरीले अनुसन्धान गरिरहेको जानकारी दिएको छ । भीरबाट खसाल्दा बाछीसहित घाइते समेत भएका छन् । गाई कसको जिम्मामा दैलेख पठाइएको हो भन्ने खुलेको छैन् ।
