नेपालगन्जका युवा व्यवसायी अर्जुन खड्काले स्तब्ध पारेका छन् । शुक्रबार बर्दिया तर्फ जाँदै गरेका युवा व्यवसायी खड्का मोटरसाइकल दुर्घटना परेका हुन् ।
इलाका प्रहरी बाँसगढीका अनुसार, अहिले साँझ साढे ७ बजे तिर बारबर्दिया–बनगाई नजिक अर्को मोटरसाइकलसँग ठोक्किएका गम्भीर घाइते खड्काको उपचारका लागि ल्याउँदै गर्दा निधन भएका हुन् । उनीसँगै मोटरसाइकलमा उनका साथी सामान्य घाइते रहेका छन् । अस्पताल पुर्याउँदा खड्कालाई चिकित्सकले मृत घोषणा गरेका थिए ।
नेपालगन्जका व्यवसायीहरु बीच निकै लोकप्रिय र हसिला मोबाइल व्यवसायी अर्जुनको निधनपछि उनका साथी, सहकर्मी मात्रै होइन नेपालगन्जको व्यवसायी क्षेत्र स्तब्ध बनेका छन् ।
नेपालगन्जन्यूज डटकम परिवार युवा व्यवसायी अर्जुनको निधन प्रति दुःख व्यक्त गर्दै हार्दिक श्रद्धाञ्जली अर्पण गर्दछ ।
