आज मंगलबार नेपालगन्जका दर्जनबढी स्थानमा निःशुल्क सर्वत र भण्डाराको आयोजना भएको छ । ‘बडा मंगलबार’को अवसर पारेर भण्डाराको आयोजना गरिएको हो ।
झण्डै ४३ डिग्री तापक्रम रहेको नेपालगन्जमा चर्को गर्मीमा वितरण भैरहेको सर्वत पानीले राहत दिएको छ ।
अम्बे फर्निसिङ्ग गार्डेनले सुर्खेतरोडमा स्टल राखेका सर्वत पानी वितरण गरेको छ । गर्मीमा राहतका लागि पानी वितरण गरिएको सञ्चालक पंकज श्रेष्ठले बताएका छन् ।
