होटल व्यवसायी संघ बाँके नेपालगन्जको आसन्न निर्वाचनका लागि बिहीबार भीमलाल कंडेलको नेतृत्वमा उम्मेदवारी घोषणा गरिएको छ । होटल ब्याबसायि संघ बाँके नेपालगन्जको १५ औँ बार्षिक साधारण सभा तथा नवौँ अधिबेशनका लागि उम्मेदवारी घोषणा गरिएको हो ।
कार्यक्रममा वरिष्ठ उपाध्यक्षमा राम बहादुर लिम्बु, उपाध्यक्षमा टेक नारायण सापकोटा, महासचिवमा रंग बहादुर खड्का, सचिवमा प्रेम शाह, कोषाध्यक्षमा टिका राम खनाल, सह कोषाध्यक्षमा राज कुमार विकको उम्मेदवारी सार्वजनिक गरिएको हो ।
त्यस्तै सदस्यहरुमा दुर्गा बम, निर्मला सैजुवाल, लाक्पा शेर्पा, केशव योगी, एकराज पाण्डेको उम्मेदवारी घोषणा गरिएको छ । यसअघि वर्तमान कार्यसमितिका वरिष्ठ उपाध्यक्ष उमा ग्राण्डनको नेतृत्वमा अर्को प्यानलले उम्मेदवारी घोषणा गरिसकेको छ ।
संघमा पूर्व अध्यक्ष भाष्कर काफ्लेले सबैको विचार र आस्थालाई समेटेर साझा समूह निर्माण गरिएको बताए ।
कार्यक्रममा वर्तमान महासचिव समेत रहेका अध्यक्ष पदका उम्मेदवार कंडेलले १७ बुंदे प्रतिबद्धता पनि सार्वजनिक गरेका थिए ।
नारद पुरीले सञ्चालन गरेको कार्यक्रम होटल ब्याबसायि संघ बाँकेका संस्थापक अध्यक्ष मदन कुमार बि.सीको अध्यक्षतामा भएको थियो ।
