बाँके नरैनापुर गाउँपालिका स्थित एक ८ वर्षिया बालिका आज बालात्कारको पीडा खेप्न बाध्य भएकी छन् ।
घर नजिकै खेली रहेको अवस्थामा स्थानीय १८ वर्षिय तिल्ली भन्ने त्रिलोकी यादवले बलात्कार गरेको प्रहरीले जनाएको छ । बाँकेका प्रहरी प्रवक्ता डीएसपी राजेन्द्र आर्यालले अभियुक्त पक्राउ परेकोले बालिकाको स्वास्थ्य जाँच पछि थप विवरण बाहिर आएको बताए ।
बुधवार साँझ ४ बजेको समयमा घटना भएको प्रहरीले जनाएको छ । इलाका प्रहरी कार्यालय भगवानपुरको टोली घटनास्थल पुगेर बालिकाको स्वास्थ्य उपचारका लागि नेपालगन्ज ल्याउँदै गरेको डीएसपी आर्यालले बताए ।
