आज भैरहेको प्रतिनिधिसभा र प्रदेशसभा निर्वाचनका क्रममा बाँकेमा मतदान गर्नेहरुको संख्या दिउँसो ह्वात्तै बढेको छ ।
मौसमका कारण विहान सहभागिता उत्साहजनक नदेखिएपछि चिन्तित दलका नेता तथा उम्मेदवारहरु दिउँसो मतदान स्थलमा भिडभाड देखेपछि उत्साहित भएका हुन् ।
सबै बुथमा शान्तिपूर्वक र उत्साहपूर्वक निर्वाचन भैरहेको छ, बाँकेका प्रहरी प्रमुख, प्रहरी उपरीक्षक टेक बहादुर तामाङले भने, मतदान सुरु भएदेखि कुनै बाधा व्यवधान छैन । उनले ५० प्रतिशत भन्दा बढी मत खसिसकेको जानकारी दिंदै भने, अहिलेपनि मतदान स्थलमा जनताको भीडभाड उत्साहजनक छ ।
३.३० ग्रामीण क्षेत्रका अधिकांस बुथमा लामो भिड देखिन्थ्यो । खजुरा गाउँपालिका स्थित ज्ञानोदय उच्च मावि केन्द्रमा घुइँचो देखाउँदै गाउँपालिका उपाध्यक्ष एकमाया विकले नेपालगन्जन्यूज डटकमसँग भनिन्, मतदाताको उत्साहमा कुनै कमी छैन ।
