रबिन्द्र सिँह ठकुरी
बर्दिया जिल्ला बडैयाताल गाउपालीका वडा नं. २ जमुनीबाट नेपालगन्ज ल्याउदै गरेको अबैध काठ राजस्व तथा भन्सार सुरक्षा गुल्म जमुनाहले बरामद गरेको छ । बडैयाताल बाट ल्याउदै गरेको उक्त काठ बाँके खजु्रा गाउपालीका २ रिमझिम चोक बाट ससस्त्र प्रहरीले नियन्त्रणमा लिएको हो ।
काठ ट्याक्टरमा इट्टाको बिचमा लुकाएर ल्याउदै गरेको सुचनाको आधारमा पक्राउ गरिएको ससस्त्र प्रहरी जमुनाहका सई दोर्ण बहादुर बुदाले जानकारी दिनु भयो । काठ र ट्याक्टर जिल्ला बन कार्यालयमा बुझाएको बुढाले बताए । काठ २८.२१ क्यूफिट र १ लाख ४० हजार मुल्य बराबरको रहेको जिल्ला बन कार्यालय बाँकेले जनाएको छ ।
