चिनको धेरै शहरहरुको फोटोमा तपाईले धेरै हरियो देख्न पाउनुहुन्न । तर लिउझोउ फरेस्ट शहर एउटा यस्तो शहर हो जहाँ तपाई स्वच्छ हावा र प्रकृतिको अनुपम आनन्द उठाउन सक्नुहुन्छ ।
यो शहर विश्व कै पहिलो फरेस्ट सिटी हो । शहरमा करिब तीस हजार मानिसहरु बस्छन् । शहरका प्रत्येक भवन तथा घरहरुमा रुखहरु रोपिएको छ । र विरुवाहरुले घरलाई घेरेका छन् । करिब ४० हजार रुख र १० लाख विरुवाहरु रोपिएको छ ।
यो शहरमा घरजंगलको निर्माण भइरहेको छ । लिउझोउ सन् २०२० मा निर्माण सम्पन्न भएपछि एउटा छुटै छाप यस्ले छोड्ने वातावरणविद्हरु बताउँछन् ।
यो शरहका रुखहरुले १० हजार टन कार्वन डाइ अक्साइड उत्सर्जन गर्ने छ । तथा ५७ टन प्रदुषणजन्य फोहरको घटाउने छ । यति मात्र हैन, यो जंगली शहरले ९०० टन अक्सिजन उत्पादन गर्ने छ ।
शहरका परिकल्पनाकार इटालीको मिलानबासी आर्टिटेक्ट स्टेफानो बोइरी आर्चिटेट्टी भन्छन्, रुखविरुवाहरुले तापक्रमलाई घटाउने छ, ध्वनी प्रदुषणलाई रोक्ने छ र यो चराहरुको सुन्दर बासस्थल बन्ने छ ।


यो जंगल शहरको अवधारणाले नयाँ २१ औं शताब्दिको शहरको रुपमा रहेको छ । जहाँ द्रुत गतीका रेल र सडकहरु छन् । र शहर प्राकृतिक रुपमा वातानुलित छ । र सबै घरधनीले सौर्य उर्जाको उपयोग गर्छन् ।
शहरी जंगलको अवधारणामा धेरै शहरहरु उत्साहित र आकर्षित भइरहेका छन् । चिनमा नै बोइरीको टिमले नान्झिगमा काम गरिरहेको छ ।
शहरका भवन तथा घरहरु नै जंगल बनाउने यो अवधारणाले शहरमा हुने आप्रवासनको समस्याबाट सिर्जना हुने विभिन्न समस्याहरुलाई कम गर्न सकिने कुरामा शहर व्यवस्थापनका विशेषज्ञहरु बताउँछन् ।
अहिले जनसंख्याको करिब ५० प्रतिशत भन्दा बढि मानिसहरु शहरम ाबस्ने गर्दछन् । र यो संख्या प्रतिबर्ष २ प्रतिशतको दरले बढिरहेको छ ।
भर्खरै निर्वाचित जनप्रतिनिधिहरुबाट हरित शहरको भाषण खुबै सुनिएको छ । मानिसहरुलाई बस्न अनुकुल बनाउने यो अवधारणा नेपालगन्ज, काठमाडौं जस्ता शहरहरुका लागि अनुकरणिय हुन सक्ला ? यो प्रश्नको सकारात्मक जवाफको खोजीमा छौं हामी ।
फोटो ः स्टेफानो बोइरी आर्चिटेट्टी
(वीफोरम तथा विभिन्न अन्तराष्टिय संचार माध्यममा प्रकाशित समाचारहरुको भावानुवाद)

प्रतिक्रिया

प्रतिक्रिया