नेपालगन्जको पुष्पलाल चोक नजिक श्रेया इन्टेरियल डेकोरमा भएको आगलागी नियन्त्रणमा आएको छ ।
आइतबार विहान लागेको आगो तीन वटा दमकल, नेपाल प्रहरी, सशस्त्र प्रहरी र नेपाली सेनाको प्रयास पछि नियन्त्रणमा लिएको हो ।
आगो नियन्त्रणका लागि नेपाल प्रहरीका सयौं प्रहरी जवान सहित प्रहरी अधिकारीहरु खटिएका थिए ।
आगोलागीबाट लाखौंको क्षति भएको अनुमान गरिएको छ । अहिले क्षतिको एकिन विवरण संकलन गरिंदैछ ।
पानीको अभाव भएकाले बाल्टिनमा पानी भरेर प्रहरीहरुले दमकलमा हालेका थिए । पछि स्थानीय होटल सिटि प्यालेसबाट पाइपको प्रयोग गरी दमकलसम्म पानी पुर्याइएको थियो ।
(तस्वीरः विशाल रानामगर/दैनिक नेपालगन्ज)
