अब घर मै बसि क्लियर टिभीको मुभी अन डिमाण्डबाट बिभिन्न फिल्म हेर्न सकिने
नेपालको एक अग्रणी केबल टेलिभिजन, इन्टरनेट र नेटवर्क सेवाप्रदायक कम्पनी सुबिसु केबलनेट प्रा.लि ले क्लियर टिभी मार्फत ग्राहक वर्गहरुका निम्ति लक्ष्मी फिल्मको प्रिमियर सो गरेको छ । गत १६ नोबेम्बरमा क्लियर टिभीले च्यानल नं १११(एच डि) र ११२(एस डि) मा मुभी अन डिमाण्डको औपचारिक सुरुवात लक्ष्मी फिल्मको प्रिमियर सो बाट गरेको हो ।
‘यस च्यानल मार्फत ग्राहकहरुले सो फिल्मआफ्नै घरमा बसि हेर्न सक्नुहुनेछ’, सुबिसुले जारी गरेको प्रेस नोटमा भनिएको छ, ‘भबिष्यमा थुप्रै फिल्महरु हेर्न सकिने छ ।’ सुबिसुका अनुसार, ग्राहकवर्गहरुले फिल्म हेर्नका लागि आफनो नजिकको क्लियर टिभी सेवा प्रदायकमा सम्पर्क गर्न सक्नु हुनेछ वा www.cleartv.com.np/mod बाट फिल्म सम्बन्धी एवम्ं सेवा सम्बन्धी थप जानकारी लिन सक्नुहुनेछ ।’ विद्यमान परिस्थितिमा बाहिर गई फिल्म हेर्ने अवस्था नभएको र मनोरञ्जन लाई प्राथमिकता दिदै कम्पनीले यो सेवा सुचारु गरिएको जनाइएको छ ।
