नेपालगन्जको सिद्धार्थ होटलले नयाँ बर्ष २०७६ भव्य रुपमा मनाउने योजना बनाएको छ । नेपाली नयाँ बर्षलाई भव्य र उल्लासमय बनाउनका लागि विशेष कार्यक्रमको आयोजना गर्न लागेको हो । नयाँ बर्षसँगै होटलले एक दशक पूरा गर्दैछ ।
‘नयाँ बर्षमा यु इयर इभ पार्टी २०७६ आयोजन गर्न लागेका हौं’, सिद्धार्थ ग्रुपको क्षेत्रीय प्रबन्धक केशव न्यौपाने भने, ‘हामी नयाँ बर्षलाई उत्सव बनाउँदै छौं ।’ उनले नयाँ बर्षको स्वागतमा सांगीतिक कार्यक्रम सहित भव्य पार्टीको आयोजना गर्न लागेको जानकारी दिए ।
‘
नेपाली नयाँ बर्ष तथा सिद्धार्थ होटेल स्थापना भएको एक दशक पुरा भएको अबसरमा २०७५ चैत ३० गते साँझ आयोजना हुन लागेकोे न्यु इयर इभ पार्टी २०७६ मा नेपालका चर्चित गायक दीपक बज्राचार्य सहित मनमगन टीमको प्रस्तुती राखिएको छ,’ हाटेलका महाप्रबन्धक सन्तोष न्यौपाने भने, ‘नेपाली नयाँ बर्ष नेपाली कलाकार , नेपाली गीत, संगीत, नेपाली लोकबाजाका साथ नेपाली गीत संगीतमा रमाउँदै मनाउने परिपाटीलाई प्रोत्साहन गर्नु हामी सबै नेपालीको दायित्व हो भन्ने हाम्रो मान्यता रहेको छ ।’ उनले न्यु इयर इभ पार्टीमा स्थानीय कलाकारका साथै डिजे टिमको पनि प्रस्तुति रहने जानकारी दिए ।
सिद्धार्थ होटेल नेपालगन्जको सबै भन्दा धेरै कोठा र सबै भन्दा ठुलो ब्याङक्वेट हल भएको चारतारे डिलक्स होटेल हो । सिद्धार्थ बिजनेश गु्रप अफ हस्पिटालिटीका २२ वटा शाखाहरु मध्ये सिद्धार्थ होटेल नेपालगन्ज सबै भन्दा ठुलो शाखा हो । सिद्धार्थ गु्रपका नेपालगन्जमा होटेल, रेष्टुरेन्ट र क्याफे संचालित छन भने निकट भविष्य मै कोहलपुरमा पनि क्याफे संचालन हुँदै छ । सिद्धार्थ गु्रपको नेपालगन्ज सहित टीकापुर, कर्णाली चिसापानी, सुर्खेत, बुटबल, चुम्लिङटार, र काठमाडौंमा गरी २२ वटा शाखा रहेका छन् ।
