बर्दिया – प्रजातन्त्रवादी प्राध्यापक संघ नेपाल बबई बहुमुखी क्याम्पस इकाइ गुलरिया बर्दियाको अध्यक्षमा सन्त कुमार बर्मा निर्वाचित भएका छन् । मंगलबार भएको चौथो अधिवेशनले बर्माको नेतृत्वमा ११ सदस्यीय नयाँ कार्यसमिति चयन गरेको हो ।
संघको उपाध्यक्षमा इश्वरी प्रसाद रेग्मी, सचिवमा गिरिराज देवकोटा, कोषाध्यक्ष मञ्जु आचार्य, सहसचिव उमेश कुमार गुप्ता छन् । सदस्यहरुमा राजेश चन्द्र श्रीवास्तव, वीरेन्द्रराज लम्साल, कृष्ण प्रसाद चपाई, राजेश शर्मा र लक्ष्मण घिमिरे चयन भएका छन् । विनोद कुमार अग्रवाल, राजेन्द्र धिताल र प्रताप लम्साल केन्द्रीय पार्षद चयन भएको अध्यक्ष बर्माले जानकारी दिए ।
त्यसअघि गुलरिया नगरपालिकाका नगर प्रमुख, मुक्तिनाथ यादवको प्रमुख आतिथ्यतामा भएको उद्घाटन सत्रमा विभिन्न वक्ताहरुले संस्थागत विकास र प्रजातान्त्रिक चेतनाबारे आ–आफ्नो धारणा राखेका थिए ।
